أخر الاخبار
رئاسه ابو حماد يتفقد اعمال النظافة والتجميل بنفسه بقريه الاسديهسماح بلال : رسالتنا تربوية أولاتعليمية ثانيا ـ اخر الاسبوعوفاة طفلة أثناء لهوها أمام منزلها لدغتها عقربمصاب بالتوحد الاول علي الجمهورية علمي رياضةأسرار النجاح والفشللجنة لوزارة الداخلية لاستلام أرض المجمع الشرطى بابوتشت شمالي قنامصرع ٩ ركاب وإصابة ١١آخرين في حادث تصادم بطريق قنا سفاجاأبو عيطة يكرم گابرز الشخصيات فى افريقيا ـ اخر الاسبوعتهنئة واجبة من أخر الأسبوع للزميلة الإعلامية حنان مبارك لنجاح ابنتها بالثانوية العامةمحافظ البحر الأحمر يتفقد المركز التكنولوجي بحي جنوب مدينة الغردقةالثانويه الأزهرية بعد قليل المانيا.. ثلث اللآجئين يعانون من إضطرابات نفسية وخبراء يحذّرون– بوتقة المعايير المجتمعية المؤشر الرئيسي لتطوير استطلاعات الرأي الثقافي إصابة 4 أشخاص في مشاجرة بسبب نزاع على أرض زراعية بجرجاأول ضحايا الثانوية العامة.. انتحار طالب بطلق ناري بعد رسوبه في الشرقية
منوعات

منة حازم : واجعل للموت من عمرك نصيبا ـ أخر الاسبوع

منة حازم

مكنتش حابة أشير أو أتكلم عن أي أحداث بتحصل وأكتفي بالدعاء عشان مسببش أي حزن لأي حد ممكن يقرأ..

لكن للأسف،

اللي بيحصل شئ محزن جدًا وغريب.. وحاولنا نسقطه كل اسقاط وندور على أي حد نقوله  : إنت السبب ..!

عشان نبرر لعقلنا اللي بيحصل لكنه فوق حبال المنطقية ..

أحداث كتير ف يوم واحد بشكل مبالغ فيه.. بل وطول الأسبوع ده، ناس اتسلبت منها حياتها ظلم-ولعل في ذلك حكمة- ،وناس اتاخدت في الرجلين وماتت بدون قصد، وناس بتموت يوميًا..

مبقتش بفتح فيس إلا لما أشوف نعي لحد مات.. كبار وصغيرين ولا استثني سنًا ولا جنسًا ..
معتقدش إني أول واحدة تكتب عن كده ولا هكون آخر واحدة،

ومبحبش البوستات اللي بتزيط في الزيطة لمجرد مشاركة الحدث سواء مفرح أو تصنع للحزن لمجرد مشاركة العامة، لكن لازم نجعل موقف زي ده عبرة، كل العبرة، للمحملين بالآمال والطموحات ومقصرين في عبادة الله عز وجل – ولا استثني نفسي – .. كانوا نازلين وآخر حاجة بيفكروا فيها الموت والله..

أنا مش من أنصار إنك تعيش كل لحظة خايف م الموت وحاسس إنك اللي عليك الدور فتعيش بحزن وخوف وتنسى مهمتك اللي المفروض تنجزها قبل ما الوقت ده ييجي ،

لكن ع الأقل، نكون كل لحظة مستعدين ليها، ولا أقصد بذلك صلاة وعبادة فقط ..

متموتش عليك دين لحد، متموتش كاسر حد فيتشفى بموتك في كسرته،

خلي الناس تقول :  الله يرحمه .. دايما، هو ده اللي هيبقى والله..

رحمهم الله جميعًا.. يمكن م العبرة والفايدة اللي عادت عليهم ان كل العالم بيترحم عليهم مع اننا لا عمرنا شفناهم ولا اتعاملنا معاهم،

وأعتقد دي حاجة زمانهم بيحمدوا ربنا عليها ف قبورهم دلوقتي وسعداء بموتة أليمة هتخلي الناس تدعيلهم العمر كله

| | | | | | |

-  -